اريد اعلن حداد وللعشق ما اعود

اريد

اعلن حداد وللعشق ماعود


واريد انساك ونسة البينك وبيني


وشق دفتر غرامك خاطر انة انساك


ودير الوجه عنك من تلاقيني


ماريدك بعد لو انت روحي اتصير


و ماريدك لون من موت تحييني


ملح بعيوني احطن ونسة حتى النوم


اخافن بالمنام طيوفك تجييني


اذا شافتك عيني وفرحت بملقاك


والله اتبره منها وهاي موعيني


واذا صافحك جفي بحجة الخملان


اقص اثنين ايديه يساري ويميني


واذا قالولي حبك يسري بالشريان


ثق بالله اقطع كل شراييني


واذا صاير شمس انه ابقه دوم بليل


وماريد الضوى وبلظلمه خليني


تذكرمن لقيتك والعطش واليك


وقلتلي ياحبيبي اترجاك روييني


عصرت اجفون عيني و وشلييت دموع


وشربتك بديه وانت تدرييني


ومن مرني العطش صرت انت جربة ماي


قصدتك معتني ومديت جفيني


وانتة بكل وقاحة وكل صلافة عين


درت بجفوفي سم وردت تنهيني


تذب نفطك عليه وانه بيه النار


وتتحمه اعله ناري و ماتطفيني


وصرت محبس بديك وقمت بيه تسوم


ساعة تبيع بيه وساعة تشريني


اظل خصمك وفضحك حتى من اتموت


على كبرك أخطـــــــــــن بايك اسنيني




ad_username = "hamdkoo";
ad_type = "popunder";
ad_size = "ad728x90-t-1";