حضرولك وحدك

حضرولك وحدك فرقة نبال
لان موسهله السيوف تلوحك
اجم جرح صابوك بس رغم الجروح
تهجم اتزيدك صلابه جروحك
ولذلك ضربو الجربه بسهام
اتوقعوبالجربه شايل روحك

شلون ضل خلافكم حال العيال
من الونين الونته اتطيح الجبال
أتفوت بالدمقافلتهم ياحسين
ويم جثثهم سيدي اتمرالجمال
اهنا رحلهم حط أمس وأهنا ولوه
أهنا امس كدامك اتطيح الرجال
وذاك عباس وهذيج جفوف اديه
فاتح الكل جف بديه ساحة قتال
وكرم سيف بالوغى فاتح مضيف
وعالركاب التسأل ايجيب السؤال
وجن دوي صوت السيوف ابكل مكان
واقعي بس من طحت صارت خيال
كوم يبن الانزع الحر البطين
كوم واصفطهه الرجال على الرجال
مرو وعين اليتامه اتصد عليك
والسماء اهتزت وأذن بلال
ولاتزل زينب تصد صوب الكفيل
الدنيه كلهه اتصد عليكم لاتزال
انته ابن من مادرت هاي الجموع ؟
انته ابن مهلكهه ان حان النزال
كوم عيد الطف عليهم من جديد
وخلهه تتكسر نصال عللنصال
بالمثل خسران اليعلم الرجال
وانته بس رابح لمه تعلم الرجال