مشكور سهمك وصل

مشكور سهمك وصل مشكور ماقصرت


مو انت اول جرح قبلك جرحني الوقت


وكنت اطمع بطيبتك وانت بدموعي طمعت


وانه اتخذتك اخو جا ليش بيه اخذلت


وتقول عني اخطئت فهمني بيش اخطئت


واحسبني اخوك وخطأ تخسر لون سامحت


وانه اعتذرت شكثر عالماكو وتوسلت


وطخيت الك هامتي وبزايد تكبرت


لتصير غيمه بسمه يلي بدليلي اثبتت


ومن دون ربح وطمع منك شفتني طلبت


شمعه انه في رقتي وبطيبك تلذذت


تحركني نارك حرك وقبال عينك ذبت


حبيت كسر خاطرك حالي وعليه شفقت


ادري بظميرك عدل معقوله انت المتت


معقوله قلبك جلد وبطيبك انه وهمت


ضليت اشك بالعقل بس بيك ماشككت


خليني احس بالالم بس كونك انت فرحت


ادري الزمان اضلمك وبراسي راسك خذت


ولهسبب عاذرك حاسبني اخوك ومنت


ماحسبتني انذبح ادريك ماحسبت


لو حسبت كان قلت هسه انتة ليش عرقت


يل تستحي من الهوه لو قابلك وطيت


وهذه القتلني قهر بس بسهم نيشنت


وبجرئه صبت الهدف لمن عليه سددت


مشكور سهمك وصل مشكور