قدمت لك روحي وغمضّت عيني

[size=25]لا تسكبيني بين .. مرّك وصافيك
اما انهليني عشق .. والا اتركيني

زود التغلي شي من بعض مافيك
وإدراك فهمك عاد ماهو بيديني

لا قلت لك وش فيك .. كني معاديك
واصير انا الغلطان والعيب فيني

أنا أحبّ ارضاك وآحب مرضيك
وانتي على ماظن . . ما تكرهيني

وياك ما قصرت واحييت طافيك
في يد لك عيني والاخرى سنيني

كذا اظن الحال ماهو بخافيك
قدمت لك روحي وغمضّت عيني

مادام حبي بين صدقٍ وتشكيك
ابفتح الشباك وارمي حنيني

يجزاني الله خير والله يجزيك
هنا انتهى المشوار بينك وبيني

المعذرة مليت ماني بباغيك
وارجو السموحه منك لا تْجادليني